Latest News & Updates

Baggott ag cur na fírinne ar scaoil-le-marú faoi chois

07/12/09

Tá dintiúirí cheannaire an PSNI Matt Baggott cruthaithe aige cheanna féin ina sheal gairid sna Sé Chontae dé réir rúnaí ginearálta éirigí Breandáin Mac Cionnaith.

Dé Luain (30ú Samhain), chuaigh dlíodóirí a bhí ag gníomhú thar cheann Baggott go dtí an cuairt chun níos mó ama a iarraidh chun teastais imdhíonachta leasa phoiblí a ullmhú chun cinsearacht a dhéanamh ar thuairiscí Stalker agus Sampson ar oibríochtaí scaoil-le-marú an RUC.

Tá baint ag na tuairiscí le dúnmharuithe seisear ag an RUC i gceantar Ard Mhacha Thuaidh idir an 11ú Samhain agus an 12ú Nollaig 1982.

Lámhachadh baill d’Óglaigh na hÉireann, Gervaise McKerr, Eugene Toman agus Seán Burns ar an 11ú Samhain; lámhachadh saoránach 17 mbliana déag d’aois, Michael Tighe cóngarach do Craigavon ar an 24ú Samhain; agus lámhachadh óglaigh den INLA, Séamus Grew agus Roddy Carroll cóngarach do chathair Ard Mhacha ar an 12ú Nollaig.

Dúirt Mac Cionnaith: “Trí ghach iarracht a dhéanamh cosc a chur ar an bhfírinne ag teacht amach faoi chásanna scaoil-le-marú an RUC, tá Matt Baggott ag siúl i gcoischéim a réamhtheachtaí Hugh Orde. Os rud é go bhfuil an PSNI ag obair go dlúth le MI5 ar an gceist seo, déanann sé ábhar magaidh d’éilimh go bhfuil an fórsa cuntasach in aon bhealach do shaoránaigh.

“D’ainneoin an caint go léir ar phóilíneacht phobail, tá ceannaire nua an PSNI ag taispeáint go soiléir nach mbeidh bac ar bith ann nuair a thagann sé go dtí leasaí stát na Breataine in Éirinn a chosaint.

Lean Mac Cionnaith: “Chomh maith le piléir phlaisteacha a scaoileadh, an méadú ollmhór ar theagmhais stop & cuardú agus ciapadh laethúil ar náisiúnaithe agus poblachtánaigh, tá blocáil na fírinne taobh thiar de mharú déanta ag an RUC ag cruthú nach bhfuil rud ar bith dearfach le hofráil ag an RUC do phobail sna 26 Contae.

“Ar mhaithe le fírinne agus ceart, ba chóir tuairiscí Stalker agus Sampson a éisiúint in iomlán – ní fhéadfadh clú an RUC ísliú níos ísle mar thoradh.”

Print-friendly version